1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Pangamuyo agod Apinan
1 Yara ako sa katalagman, O Dios, pamatii ang akon pangamuyo! Nahadlok ako, luwasa man ako sa akon mga kaaway!2 Apini man ako sa mga paghimbon sang mga malaut, sa pagsalakay sang malain nga mga tawo.
3 Ginabaid nila ang ila mga dila subong sang mga espada, kag ginatumod nila ang ila masakit nga mga pulong subong sang mga baslay.
4 Halin sa ila ginahukmongan ginapana nila ang maayo nga mga tawo, sa hinali nagapana sila kag wala nagakahadlok.
5 Ginapaisog nila ang isa kag isa sa ila malain nga mga himbon; ginaplanuhan nila kon diin nila ibutang ang ila mga siod. Siling nila, "Kinahanglan nga wala sing may makakita sini.”
6 Nagaplano sila sing malaut kag nagasiling, "Wala sing may makahibalo sang aton plano.”Indi mapaktan ang tagipusoon kag panghunahona sang tawo!
7 Pero ginapana sila sang Dios, kag sa hinali napilasan sila.
8 Pagalaglagon niya sila tungod sang ila mga ginahambal; ang tanan nga makakita sa ila magalungolungo sang ila mga ulo.
9 Magakahadlok sila tanan, magasugid sila sang mga ginhimo sang Dios kag magapanumdom sang iya mga binuhatan.
10 Ang tanan nga matarong nga mga tawo magakalipay tungod sang mga ginhimo sang Ginoo, magadangop sila sa iya agod indi maano, ang tanan nga maayo nga mga tawo magadayaw sa iya.
No comments:
Post a Comment