Mga Salmo 1

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

☆☆☆

NAHAUNA NGA LIBRO

(Mga Salmo 1-41)

Ang Matuodtuod nga Kalipay

1 Bulahan ang tawo nga nagasikway sang laygay sang mga malaut, nga wala nagasunod sa ginahimo sang mga makasasala, nga wala nagabuylog sa mga nagayaguta sa Dios.
2 Sa baylo, naluyag sia magbasa sang kasugoan sang GINOO, kag nagatuon sini sa adlaw kag gab-i.
3 Kaangay sia sang kahoy nga nagatubo sa higad sang sapa, nagapamunga ini sa nagakaigo nga panahon, kag ang iya mga dahon wala nagakalaya. Matigayon niya ang tanan nga iya ginahimo!
4 Pero indi kaangay sini ang mga malaut! Kaangay sila sang labhang nga ginapalid sang hangin.
5 Ang mga malaut pagakondenahon sang Dios, ang mga makasasala indi pag-isimpon sa mga matarong.
6 Ang GINOO nagatuytoy kag naga-apin sang matarong nga mga tawo, pero ang malaut nagapadulong sa ila kalaglagan.

Job 42 | Mga Salmo 2