Mga Salmo 73

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

☆☆☆

IKATLO NGA LIBRO

(Mga Salmo 73-89)

Ang Pagkamatarong sang Dios

1 Matuod gid nga ang Dios maayo sa Israel, sa ila nga may putli sing tagipusoon!
2 Pero diutayan na gid lang ako mapukan, ang akon mga tiil diutayan na gid lang makadanlog,
3 kay man nahisa ako sa bugalon, kag nakita ko nga ang mga malaut manggaranon.
4 Wala sila nagaantos sang kasakit; mabakod sila kag maayo sing lawas.
5 Wala sila nagaantos subong sang iban nga mga tawo;wala sila sing mga palaligban pareho sang iya sang iban.
6 Gani ginakulintas nila ang bugal, kag ginabayu nila ang kapintas.
7 Nagagwa ang kalautan sa ila tagipusoon, kag ang ila mga panghunahona puno sang malaut nga mga pahito.
8 Ginayaguta nila ang iban kag nagahambal sang malaut nga mga butang; bugalon sila kag nagahambal nahanungod sang pagpigos sa iban.
9 Ginapakamalaut nila ang Dios sa langit, kag may bugal ang ila pagmando sa mga tawo sa duta,
10 gani, bisan ang mga tawo sang Dios nahaylo sa ila, kag nagapati nga may kakunyag sang tanan nila nga ginasiling.
11 Nagasiling sila, "Ang Dios indi makahibalo; indi ini masapwan sang Labing Mataas!"
12 Kaangay sini ang mga malaut! May madamo sila nga pagkabutang kag ginadugangan pa gid nila ini.
13 Gani, wala bala sing pulos ang pagtipig ko sang akon tagipusoon nga manginputli, kag ang akon mga kamot nga manginmatinlo sa sala?
14 O Dios, ginpaantos mo ako sa bug-os nga adlaw, kada aga ginsilutan mo ako!
15 Kon naghambal ako sini nga mga butang, kuntani nagmaluibon ako sa imo mga tawo.
16 Gani gintinguhaan ko gid ang paghangop sini, bisan pa nga tama gid ini kabudlay,
17 tubtob nga nagsulod ako sa imo Templo kag nahangpan ko kon ano ang matabo sa mga malaut.
18 Matuod gid nga ginpahamtang mo sila sa madanlog nga mga duog, kag ginapahagmak mo sila sa kalaglagan!
19 Sa hinali nagakalaglag sila, makakulogmat ang ila madangatan!
20 Kasubong sila sang damgo, O Ginoo, nga pagkaaga wala na, kon magmata ikaw malipatan mo na kon ano yadto.
21 Sang naglain ang akon buot, kag ang akon balatyagon napilasan,
22 nanginbalingag ako, kag wala makahangop; daw sapat ako sa atubangan mo.
23 Pero kaupod mo ako sa gihapon, kag ginauyatan mo ang akon kamot.
24 Ginatuytoyan nimo ako paagi sa imo mga laygay, kag sa katapusan pagabatunon mo ako nga may kadungganan.
25 Sin-o pa bala ang akon sa langit kundi ikaw? Tungod kay akon ikaw, ano pa bala ang handumon ko sa duta?
26 Ang akon hunahona kag ang akon lawas ayhan magaluya, pero ang Dios amo ang akon kusog, sia gid lang ang akon ginahandom!
27 Matuod gid nga ang mga nagasikway sa imo magakalamatay, kag pagalaglagon mo ang mga indi matutom sa imo.
28 Pero para sa akon, daw ano kaayo nga manginmalapit sa Dios! Ang Ginoong Dios amo ang akon dalangpan, sa pagbantala sang tanan nga iya nahimo.

Mga Salmo 72 | Mga Salmo 74