1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Ang Paghukom kag Grasya sang Dios
1 Ngaa bala ginapabugal mo, O gamhanan nga tawo, ang imo kalautan? Ang gugma sang Dios wala nagabalhin.2 Nagahimo ka sang plano sa paglaglag sa iban; ang imo dila subong sang matalom nga labaha. Wala ka nagauntat sa pagpatupato sang kabutigan.
3 Ginapasulabi mo ang malaut sang sa maayo kag ang kabutigan sang sa kamatuoran.
4 Ikaw nga butigon, luyag mo nga sakiton ang iban sang imo mga pulong!
5 Gani ang Dios magalaglag sa imo sa walay katapusan; pagauyatan niya ikaw kag pagagunoton pa gwa sa imo tolda; pagakuhaon niya ikaw gikan sa duta sang mga buhi.
6 Makita ini sang mga matarong kag magakahadlok sila; kadlawan nila ikaw kag magasiling,
7 "Tan-awa ninyo, yari ang tawo nga wala nagsalig sa Dios sa iya kalig-onan, kundi nagsalig sia sa iya madamo nga manggad, kag nagsalig sia nga indi maano sa iya pagkamalaut!"
8 Pero kaangay ako sang kahoy nga olivo nga nagatubo malapit sa balay sang Dios, nagasalig ako sa iya mapinadayunon nga gugma sa walay katubtoban.
9 Magapasalamat ako sa imo sa gihapon, O Dios, tungod sang imo ginhimo; upod sa imo mga tawo ibantala ko nga ikaw maayo.
No comments:
Post a Comment