Mga Salmo 28

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

☆☆☆

Pangamuyo agod Buligan

1 O Ginoo nga akon Mangangapin, nagapanawag ako sa imo. Pamatii man ang akon pagpanawag! Kon indi mo ako pagsabton, manginkaupod ako sang mga nagapanaog sa duog sang mga patay.
2 Pamatii man ako kon magpangayo ako sa imo sing bulig, nga nagabayaw sang akon mga kamot ayon sa imo balaan nga Templo.
3 Indi man ako pagkondenaha upod sa mga malaut, upod sa mga nagahimo sing malain, mga tawo nga ang ila mga pulong mainabyanon, pero ang ila tagipusoon puno sing pagdumot.
4 Siluti sila tungod sang ila ginbuhat, tungod sang tanan nga kalautan nga ila nahimo. Siluti sila tungod sang ila mga binuhatan, ihatag ang nagakaigo sa ila!
5 Wala sila nagatalupangod sang ginhimo sang Ginoo, ukon sang iya ginbuhat; gani silutan niya sila, kag laglagon sing walay katapusan.
6 Dayawon ang Ginoo, kay ginpamatian niya ang akon pagpangayo sing bulig!
7 Ang Ginoo amo ang nagabantay kag nagaapin sa akon, sa iya ako nagasalig, iya ako ginbuligan, gani nagakalipay ako, kag nagaamba sing mga pagdayaw sa iya.
8 Ang Ginoo nagaapin sa iya mga tawo, ginaapinan kag ginaluwas niya ang iya pinili nga hari.
9 Luwasa ang imo mga tawo, O Ginoo, kag bendisyuni sila! Ikaw ang ila manugbantay, kag atipana sila sa wala sing katubtoban.

Mga Salmo 27 | Mga Salmo 29