1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Ang Kalaut sang Tawo
1 Ang sala mgadikta sa tagipusoon sang malaut nga tawo; ginasikway niya ang Dios, kag wala sia nagakahadlok sa iya.2 Kay mataas ang pagkabig niya sang iya kaugalingon, nagahunahona sia nga ang Dios indi makahibalo sang iya sala kag indi magsilot sini sang iya sala.
3 Ang iya ginahambal malaut kag puno sang kabutigan; indi na sia makahibalo sa paghimo sing maayo.
4 Nagaplano sia sing malaut bisan sa iya higdaan; indi maayo ang iya pagginawi, kag wala njya ginasikway ang malaut.
Ang Kaayo sang Dios
5 Ang imo mapinadayunon nga gugma, O Ginoo, nagalambot sa kalangitan, ang imo pagkamatutom tubtob sa kahawaan.6 Ang imo pagkamatarong malig-on kaangay sang dalagku nga mga bukid, ang imo mga paghukom kaangay sang kadadalman sang dagat. Ikaw, O Ginoo, nagatatap sa mga tawo kag mga sapat.
7 Daw ano ka bilidhon, O Dios, sang imo mapinadayunon nga gugma! Ang mga tawo makapanago sa landong sang imo mga pakpak.
8 Nagapaayaw-ayaw sila sang bugana nga pagkaon sa imo balay; ginapainom mo sila sa suba sang imo kaayo.
9 lkaw ang ginahalinan sang tanan nga kabuhi, kag tungod sang imo kapawa makakita kami sing kapawa.
10 Padayuna man ang paghigugma mo sa mga nakakilala sa imo, kag ang paghimo sang maayo sa mga matarong.
11 Indi pagtugoti nga salakayon ako sang bugalon nga mga tawo, ukon padalaganon ako sang mga malaut nga mga tawo!
12 Tan-awa kon diin napukan ang malaut nga mga tawo! Didto sila nagahamyang nga indi na makabangon.
No comments:
Post a Comment