Mga Salmo 21

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

☆☆☆

Pagdayaw tungod sang Pagdaog

1 Nagakalipay ang hari, O GINOO, kay ginhatagan mo sia sing kusog; nagakasadya gid sia, kay imo sia ginpadaog.
2 Ginhatag mo sa iya ang iya naluyagan, ginhatag mo ang iya ginapangayo.
3 Gindalhan mo sia sang madamo nga mga kaayuhan, kag ginkoronahan mo sia sing bulawan.
4 Nagpangayo sia sang kabuhi, kag imo sia ginhatagan; kabuhi nga malawig kag wala sing katapusan.
5 Tungod sang imo pagbulig daku ang iya himaya, ginhatagan mo sia sing kadungganan kag pagkahalangdon.
6 Ginahatagan mo sia sing mga kaayuhan sa gihapon, kag ang imo pagpakig-upod nagahatag sa iya sing kalipay.
7 Ang hari nagasalig sa Labing Mataas, kag tungod sang mapinadayunon nga gugma sang GINOO manginhari sia sa walay katubtoban.
8 Pagadakpon sang hari ang tanan niya nga mga kaaway, bihagon niya ang tanan nga nagadumot sa iya.
9 Sa iya pagpahayag, laglagon niya sila kaangay sang nagadabadaba nga kalayo. Sa iya kaakig ang Ginoo magalamon sa ila, kag ang kalayo magasunog sa ila.
10 Patyon sang hari ang tanan nila nga mga kabataan, iya papason ang tanan nila nga mga kaliwat.
11 Nagaplano sila sing malaut, kag nagahimbon batok sa iya, pero wala sila sing may mahimo.
12 Iya sila panaon, kag palalagyuhon.
13 Ginadayaw namon ikaw, GINOO, tungod sang imo daku nga kusog! Ambahon kag dayawon namon ang imo gahom.

Mga Salmo 20 | Mga Salmo 22