1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Pangamuyo agod Luwason
1 O Dios, imo kami ginsikway kag ginlutos, naakig ka sa amon, pero karon balikda man kami!2 Gintay-og mo kag ginpalitik ang duta; karon ayuha man ang iya mga pilas kay daw sa mabuloblag na ini!
3 Ginpaantos mo ang imo mga tawo sa tama nga kabudlayan; ginhatagan mo kami sing bino nga naghubog sa kabudlayan; ginhatagan mo kami sing bino nga naghubog sa amon.
4 Ginpaandaman mo ang mga nagatamod sa imo, agod makalikaw sila sa kalaglagan.
5 Luwasa kami sang imo gahom, sabta man ang amon pangamuyo, agod nga maluwas ang mga tawo nga imo ginahigugma.
6 Sa iya santuaryo ang Dios nagsiling, "Sa kadalag-an pihakon ko ang Siquem, kag ipanagtag ang Duta sang Sucot sa akon mga tawo.
7 Akon ang Galaad, subong man ang Manases, ang Efraim amo ang akon helmet, kag ang Juda amo ang akon harianon nga setro.
8 Pero gamiton ko ang Moab subong akon palanghinawan, kag ang Edom subong sang bulotangan sang akon sandalyas. Nagahunahona ayhan ang Filistia nga magahugyaw sia sa kadalag-an batok sa akon?"
9 Sin-o bala, O Dios, ang magadala sa akon sa napamakuran nga siyudad? Sin-o bala ang magadala sa akon sa Edom?
10 Ginsikway mo na gid bala kami? Indi ka na bala mag-upod sa amon mga soldado?
11 Buligi man kami sa pagsumpong sang kaaway, kay ang bulig sang tawo wala sing pulos!
12 Kon ang Dios magdampig sa amon magadaog kami, lutoson niya ang amon mga kaaway.
No comments:
Post a Comment