1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Pangamuyo sang Tawo nga Nagamasakit
1 Bulahan ang tawo nga nagakabalaka sa mga imol; ang Ginoo magabulig sa iya kon yara sia sa kalalat-an.2 Ang Ginoo magaapin sa iya kag magatipig sang iya kabuhi, pagalipayon niya sia sa duta, indi niya sia pag-itugyan sa kamot sang iya mga kaaway.
3 Kon sia magmasakit ang Ginoo magabulig sa iya, kag ayuhon niya sia.
4 Nagasiling ako, 'Nakasala ako batok sa imo, O Ginoo, kaluoyi kag ayuha man ako!"
5 Ginapakamalaut ako sang akon mga kaaway. Nagasiling sila, "San-o pa bala sia mapatay kag malimtan?"
6 Indi maayo ang tuyo sang mga nagaduaw sa akon; nagatipon sila sang malain nga balita nahanungod sa akon, kag dayon nagalakat sila kag nagapanugid sini sa bisan diin.
7 Ang mga nagadumot sa akon nagahutikay nahanungod sa akon, kag nagahunahona sila sing malain nahanungod sa akon.
8 Nagasiling sila, "Malubha ang iya masakit, kag indi gid ina sia mag-ayo."
9 Bisan ang akon suod nga abyan, ang akon gid ginasaligan, nga nagsalo sa akon pagkaon, nagkontra sa akon.
10 Kaluoyi man ako, O Ginoo, kag ayuha ako; kag magabalos ako sa akon mga kaaway!
11 Nahibal-an ko nga ikaw nahamuot gid sa akon, kay indi sila makadaog sa akon.
12 Ginabuligan mo ako, kay nagahimo ako sing matarong, indi mo ako pagpahalinon sa imo atubangan sa gihapon.
13 Dayawon ta ang Ginoo, ang Dios sang Israel; karon kag sa walay katubtoban! Kabay pa! Kabay pa!
No comments:
Post a Comment