Mga Salmo 45

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

☆☆☆

Ambahanon sa Harianon nga Kasal

1 Ang akon panghunahona napun-an sang matahom nga mga pulong, sang nagakumposo ako sini nga ambahanon para sa hari, ang akon dila kaangay sang inugsulat sang isa ka maayo nga manunolat.
2 Ikaw ang pinakaguwapo sa tanan nga mga lalaki, maayo ka magpamulongpulong, ang Dios nagabendisyon sa imo sa gihapon!
3 Itaklos ang imo espada, O gamhanan nga hari, gamhanan ka kag halangdon!
4 Sakay sing mahimayaon pakadto sa kadalag-an, sa pag-apin sang kamatuoran kag katarungan! Ang imo kusog magadaog para sa imo sing dalagku nga mga pagdaog!
5 Ang imo mga baslay mataliwis, kag nagalapos sang mga tagipusoon sang imo mga kaaway, ang mga kapungsoran nagakapukan sa imo tiilan.
6 Ang trono nga ginhatag sang Dios sa imo magapadayon sa walay katubtoban! Ginagamhan mo ang imo ginharian sa katarungan,
7 ginahigugma mo ang matarong kag ginadumtan mo ang malaut. Gani ang Dios, nga imo Dios, nagpili sa imo, kag naghatag sa imo sing bugana nga kalipay nga labaw sang sa bisan kay sin-o.
8 Ang imo bayu mahamot sang mira, aloe kag kasia, ang mga musikero nagalipay sa imo sa tipuso nga mga palasyo.
9 May mga babayi sa imo korte nga mga anak sang mga hari, kag sa tuo sang imo trono nagatindog ang rayna, nga nagasuksok sang mga alahas nga nahimo sa pinakapuraw nga bulawan.
10 Nobya nga kalaslon sa hari, pamatii ang ginasiling ko, kalimti ang imo mga tawo kag mga himata.
11 Pagahandumon ka sang hari tungod sang imo katahom, agalon mo sia, gani dapat ka magtuman sa iya.
12 Ang mga pumoluyo sang Tiro magadala sa imo sing mga regalo, ang mga manggaranon magatinguha nga mahamuot ka sa ila.
13 Ang prinsesa yara sa palasyo—daw ano katahom sa iya! Ang iya bayu nahimo sa hilo nga bulawan.
14 Sa iya matahom nga trahe ginadala sia sa hari, nga ginasunod sang iya mga kaubay nga mga kadalagahan, kag sila man ginadala sa hari.
15 Nagakari sila sing malipayon kag masinadyahon, kag nagasulod sa palasyo sang hari.
16 Magaanak ikaw, O hari ko, sing madamo nga mga anak nga lalaki,sa pagtal-os sa imo mga katigulangan, kag himuon mo sila nga mga pangulo sa bug-os nga duta.
17 Ang akon ambahanon magasugid sa walay katubtoban sang imo kabantugan, kag ang tanan magadayaw sa imo sa gihapon sa palaabuton nga mga panahon.

Mga Salmo 44 | Mga Salmo 46