1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Pangamuyo sang Pagpasalamat
1 Nagadayaw ako sa imo, O GINOO, kay ginluwas mo ako, kag wala ka magtugot nga hikayan ako sang akon mga kaaway.2 O GINOO, Dios ko, nagpangayo ako sing bulig sa imo, kag imo ako gin-ayo.
3 Ginpabalik mo ako halin sa kalibutan sang mga patay, kaupod ako sa mga nagpanaog sa kadadalman, pero gin-uli mo ang akon kabuhi.
4 Mag-amba kamo sing mga pagdayaw sa GINOO, kamo nga matutom niya nga mga tawo! Dumdoma ninyo ang ginhimo sang Balaan, kag inyo sia pasalamatan!
5 Ang iya kaakig wala nagadugay, pero ang iya kaayo tubtob sa ikamatay. Ayhan may kasubo sa kagab-ihon, pero nagaabot ang kalipay sa kaagahon.
6 Nagbatyag gid ako nga indi maano, kag nagsiling sa akon kaugalingon, “Indi gid ako malutos.
7 Maayo ka sa akon, O GINOO, gintago mo ako nga indi maano nga subong yara ako sa palanaguan sa bukid. Pero sang nagpanago ka sa akon, napuno ako sang kahadlok.
8 Nagpanawag ako sa imo, O GINOO, nagpangayo ako sing bulig sa imo:
9 “Ano bala nga kaayuhan ang makuha kon mapatay ako? Ano bala ang pulos kon ako ilubong? Makadayaw bala sa imo ang patay nga mga tawo? Makabantala bala sila sang imo wala untat nga kaayo?
10 Pamatii ako kag kaluoyi, O GINOO! Buligi man ako, O GINOO!”
11 Ginbayluhan mo ang akon kalisod sang kalipay; gin-uba mo ang akon bayu sang paglalaw, kag imo ako ginpasuksokan sang bayu sang kalipay.
12 Gani, indi ako maghipos; magakanta ako sang mga pagdayaw sa imo. O GINOO, ikaw ang akon Dios, magapasalamat ako sa imo sa wala sing katapusan.
No comments:
Post a Comment