1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40
☆☆☆
Ang Pagtratar sa mga Ulipon
(Deut. 15:12-18)
1 "Amo ini ang mga pagsulondan nga ihatag mo sa mga Israelinhon:
2 Kon magbakal ka sing ulipon nga Hebreo, magaalagad sia sing anom ka tuig. Sa ikapito ka tuig pagahilwayon sia nga wala sing balayran bisan isa ka sentimos.
3 Kon sa iya pag-abot wala sia asawa, magahalin sia nga sia lang. Pero kon sa iya pag-abot may asawa na sia, ti sa iya paghalin magaupod ang iya asawa.
4 Kon paasawahan sia sang iya agalon, kag ang iya asawa magpamata, dayon ang iya asawa kag ang mga kabataan iya sang iya agalon, kag ang bana lamang amo ang magahalin.
5 Pero kon ang ulipon magsiling, 'Palangga ko ang akon agalon, ang akon asawa, kag ang akon mga kabataan, indi ako luyag maghalin,'
6 dayon pagadalhon sia sang iya agalon sa Dios, kag pagadalhon sia sa puwertahan ukon sa mga bakalan kag buhoan ang iya dulonggan. Sia mangin-ulipon niya tubtob nga buhi sia.
7 "Kon ang isa ka tawo magbaligya sang iya anak nga babayi nga mangin-ulipon, indi sia paghilwayon pareho sang paghilway sang mga ulipon nga lalaki.
8 Kon wala sia maluyagi sang iya agalon nga may tuyo sa paghimo sa iya nga isa sang iya mga asawa, dayon tugotan niya nga gawaron sia. Wala sia sing kinamatarong sa pagbaligya sa iya sa mga dumoluong kay ini indi matarong.
9 Kon ipaasawa niya sia sa iya anak nga Ialaki, pagakabigon niya sia nga iya kaugalingon nga anak nga babayi.
10 Kon magpangasawa sia sang iban pa gid nga babayi, kinahanglan padayunon niya ang paghatag sa nahauna niya nga asawa sing amo man nga kadamuon nga pagkaon kag panapton, kag amo man nga kinamatarong subong nga asawa niya sang una.
11 Kon wala sia nagatuman sini nga katungdanan sa iya, pagahilwayon niya sia, pero indi na sia dapat magbayad sing kuwarta."
Mga Kasugoan nahanungod sa Pagpamatay ukon Pagpanakit
12 "Ang bisan sin-o nga nagasakit sang isa ka tawo sa bagay nga mapatay sia, pagapatyon man.
13 Pero kon indi niya hungod, kag wala sia sing tuyo sa pagpatay sa iya, makapalagyo sia sa duog nga akon pilion para sa inyo.
14 Pero kon ang isa ka tawo magkaakig kag patyon niya sing hungod ang isa ka tawo, sarang mo sia makuha sa akon altar, agod pagapatyon sia.
15 "Ang bisan sin-o nga nagasakit sa iya amay kag sang iya iloy pagapatyon.
16 "Ang bisan sin-o nga nagakuha sang isa ka tawo sa pakusog, agod iya ibaligya ukon bukoton, pagapatyon.
17 "Ang bisan sin-o nga nagapakamalaut sa iya amay ukon sa iya iloy pagapatyon.
18 “Kon may mga tawo nga mag-away, kag ang isa magpulpog sing bato ukon magsumbag sa iya kaaway, pero wala sia mapatay, indi sia pagsilutan. Kon ang tawo nga iya ginsakit kinahanglan maghigda gid,
19 pero sang ulihi makabangon man kag makalakat sa gwa, bisan nga nagasungkod sia, ang tawo nga nagsakit sa iya magabayad sang panahon nga nausik niya kag magaatipan sa iya tubtob mag-ayo sia.
20 “Kon may tawo nga magbakol sang iya ulipon nga lalaki ukon babayi kag mapatay ini gilayon, pagasilutan sia.
21 Pero kon ang ulipon mabuhi pa sa sulod sing isa ukon duha ka adlaw, ang agalon indi pagsilutan, kay ang ulipon kaugalingon niya nga pagkabutang.
22 “Kon may mga tawo nga mag-away kag makasakit sing isa ka babayi nga nagabusong sa bagay nga mahulogan sia, pero indi sia mapatay, ang nakapilas sa iya pagamultahan suno sa ginapangayo sang bana sang babayi, kag magabayad sia suno sa ginpamatbat sang mga hukom.
23 Pero kon mapatay sia, ang silot amo ang kabuhi sa kabuhi,
24 mata sa mata, ngipon sa ngipon, kamot sa kamot, tiil sa tiil,
25 paso sa paso, pilas sa pilas, labod sa Iabod.
26 “Kon may tawo nga magbunal sang iya ulipon nga lalaki ukon babayi sa mata kag mabulag ini, pagahilwayon niya ang iya ulipon bilang bayad para sa iya mata.
27 Kon makabingaw sia sang isa ka ngipon, pagahilwayon niya ang iya ulipon subong bayad para sa iya ngipon.
Ang Katungdanan sang mga Tag-iya
28 “Kon may baka nga magsungay sing lalaki ukon babayi kag mapatay, batuhon ini nga baka, kag indi pagkaunon ang iya unod, pero ang tag-iya indi pagsilutan.
29 Pero kon ang baka palasungay sang tawo, kag ang tag-iya ginpaandaman nahanungod sang iya baka, pero wala niya pagbantayi kag makasungay ini sing lalaki ukon babayi, nga mapatay gid batuhon ang baka, kag ang tag-iya pagapatyon man.
30 Pero kon may ginpabili nga gawad para sa iya kabuhi, pagabayaran niya ang bug-os nga kantidad nga ginakinahanglan sa pagluwas sang iya kabuhi.
31 Kon ang baka makapatay sing bata nga Ialaki ukon babayi, ang amo man nga pagsulondan ang pagatumanon.
32 Kon ang baka makapatay sing ulipon nga lalaki ukon babayi, ang tag-iya sang baka magabayad sa tag-iya sang ulipon sing 30 ka bilog nga pilak kag ang baka pagabatuhon.
33 "Kon may tawo nga nagkuha sang tabon sang bubon, ukon magkutkot sang isa ka bubon kag wala niya pagtabuni ini, kag may mahulog nga baka ukon asno sa amo nga bubon,
34 dapat sia magabayad sa tag-iya sini nga sapat, kag mangin-iya ang hayop nga patay.
35 Kon ang baka sang isa ka tawo makapatay sang isa ka baka sang isa ka tawo, sila nga duha magabaligya sang buhi nga baka, kag tung-on ang bili sini. Tungaon man nila ang karne sang patay nga hayop.
36 Pero kon nahibal-an na nga daan nga ang baka palasungay, kag wala ginbantayi sang tag-iya, dapat magbayad sia, kag magahatag sing buhi nga baka ngaa baylo sa napatay, kag ang napatay nga baka mangin-iya.
No comments:
Post a Comment