☆☆☆
Levitico 9 | Levitico 11
Ang Sala ni Nadab kag ni Abiu
1 Ang kadaisa sang mga anak nga lalaki ni Aaron, si Nadab kag si Abiu, nagkuha sang ila insensario, ginbutangan nila ini sing mga baga, kag ginbutangan ini sing insyenso, kag ginhalad ini sa Ginoo. Pero ini nga kalayo indi balaan, kay ang Ginoo wala magsugo sa ila sa paghalad sini.
2 Sa hinali ang GINOO nagpadala sing kalayo kag ginsunog sila, gani napatay sila didto sa atubangan sang Ginoo.
3 Dayon ginsingganan ni Moises si Aaron, “Amo ini ang buot silingon sang GINOO sang paghambal niya, 'Ang tanan nga nagaalagad sa akon kinahanglan magtahod sang akon pagkabalaan, kay ipahayag ko ang akon himaya sa akon mga tawo.' '' Pero si Aaron naghipos lamang.
4 Gintawag ni Moises si Misael kag si Elzafan, mga anak nga lalaki ni Uziel nga tiyo ni Aaron, kag ginsingganan sila, "Kari kamo kag dalha ninyo ang mga bangkay sang inyo mga paryente halin sa balaan nga Tolda pakadto sa gwa sang kampamento."
5 Gani nagpalapit sila kag gindala nila ang mga bangkay nga sa bayu lang nagauyat pakadto sa gwa sang kampamento suna sa ginsugo ni Moises.
6 Dayon ginsingganan ni Moises si Aaron kag ang iya mga anak nga lalaki nga amo sanday Eleazar kag Itamar, “Indi ninyo paggumona ang inyo mga buhok ukon paggision ang inyo mga bayu sa pagpakita sang inyo pagpangasubo. Kon himuon ninyo ini, magakalamatay kamo kag ang Ginoo maakig sa bug-os nga katilingban. Pero ang inyo mga kasimanwa nga mga Israelinhon ginapahanugotan nga maglalaw sini nga kamatayon nga ang ginbangdan amo ang kalayo nga ginpadala sang Ginoo.
7 Indi kamo maghalin sa puwertahan sang Tolda nga Tilipunan, basi magakalamatay kamo, kay ginpakabalaan kamo paagi sa lana sang Ginoo nga inughaplas.” Gintuman nila ang ginsiling ni Moises.
Mga Pagsulondan para sa Pari
8 Ang Ginoo nagsiling kay Aaron,
9 "Ikaw kag ang imo mga anak nga lalaki indi magsulod sa Tolda nga Tilipunan kon makainom kamo sing bino ukon makahulobog nga ilimnon. Kon himuon ninyo ini, magakalamatay kamo. Amo ini ang isa ka kasugoan nga pagatumanon sang tanan ninyo nga mga kaliwatan.
10 Dapat ninyo kilalahon kon ano ang para sa Dios kag kon ano ang mga butang nga indi para sa Dios, kon ano ang matinlo kag kon ano ang di-matinlo.
11 Kinahanglan tudloan mo ang mga tawo sang Israel sang tanan nga mga kasugoan nga akon ginhatag sa imo paagi kay Moises.”
12 Si Moises nagsiling kay Aaron kag sa iya duha ka anak nga lalaki nga nabilin, sanday Eleazar kag Itamar, "Kuhaa ninyo ang nabilin sang halad nga kalan-on nga ginhalad sa Ginoo paagi sa kalayo, kag maghimo kamo gikan sini sing tinapay nga wala sing lebadora, kag kauna ninyo ini sa Iuyo sang altar, kay ini nga halad tama ka balaan.
13 Kauna ninyo ini sa balaan nga duog, kay amo ini ang inyo bahin kag sang inyo mga anak nga lalaki sa halad nga kalan-on nga ginhalad sa Ginoo paagi sa kalayo. Amo ini ang ginsugo sang Ginoo sa akon.
14 Pero ikaw kag ang imo mga panimalay sarang makakaon sang dughan kag sang pangulihi nga till nga ginhalad subong pinasahi nga dulot kag pinasahi nga bahin sa Ginoo para sa mga pari. Sarang ninyo ini makaon sa bisan diin nga duog nga matinlo. Ini nga mga halad ginhatag sa inyo kag sa inyo mga kaanakan subong inyo bahin sa mga halad sa paghiambit sang mga tawo sang Israel.
15 Dalhon nila ang pangulihi nga tiil kag ang dughan sa tion nga ginahalad ang sapay subong nga halad nga kalan-on nga ginahalad sa Ginoo paagi sa kalayo. Amo ini ang inyo bahin kag sang inyo mga kaanakan sa walay katapusan, suno sa ginsugo sang Ginoo.”
16 Nagpamangkot si Moises nahanungod sang kanding nga para sa halad tungod sa sala kag nahibal-an niya nga ginsunog na ini. Tungod sini naakig sia kay Eleazar kag kay Itamar, kag ginsuknaan niya sila,
17 "Ngaa bala wala ninyo pagkauna ang halad tungod sa sala sa isa ka duog nga balaan? Tama ini ka balaan, kag ang Ginoo naghatag sini sa inyo sa pagkuha sang sala sang katilingban.
18 Tungod kay ang dugo wala madala sa sulod sang balaan nga Tolda, dapat ninyo kuntani ginkaon ang halad didto, suno sa akon ginsugo."
19 Nagsabat si Aaron, "Abi, kon ginkaon ko ang halad tungod sa sala karon nga adlaw, malipay bala sini ang GINOO? Ang mga tawo nagdulot sa GINOO sang ila halad tungod sa sala karon nga adlaw kag nagdala sila sang ila halad nga sinunog, pero nahanabo pa ining malain nga mga butang sa akon.”
20 Sang pagkabati sini ni Moises, kumpormi man sia.
No comments:
Post a Comment