Numeros 26

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36

☆☆☆

Ang Ikaduha nga Pagsenso

1 Sa tapos sang kamatay, ang Ginoo nagsiling kay Moises kag kay Eleazar nga anak ni Aaron,

2 "Magkuha kamo sang senso suno sa mga panimalay sang bug-os nga katilingban sang Israel, ang tanan nga mga lalaki nga nagaedad sing 20 ka tuig paibabaw nga makasarang sa pag-entra sa soldado."

3-4 Si Moises kag si Eleazar nagtuman kag gintawag nila sing tingob ang tanan nga mga lalaki sa amo nga edad. Nagtipon sila sa kapatagan sang Moab sa tabok sang suba sang Jordan halin sa Jerico. Amo ini ang mga Israelinhon nga naggwa sa Egipto:

5 Ang tribo ni Ruben (si Ruben amo ang panganay nga anak ni Jacob): ang mga kabaranggayan nanday Hanok, Pallu,

6 Hezron, kag Carmi.

7 Ang kadamuon sini nga mga kabaranggayan 43,730 ka mga lalaki.

8 Ang mga kaliwat ni Pallu amo si Eliab,

9 kag ang iya mga anak nga lalaki nga amo sanday Nemuel, Datan, kag Abiram. (Amo ini nga Datan kag Abiram ang ginpili sang katilingban. Ginsumpong nila si Moises kag si Aaron kag nagbuylog sila sa mga sumolunod ni Core, sang pagrebelde nila batok sa Ginoo.

10 Nag-abri ang duta kag ginhalunhon sila, kag nagkalamatay sila upod kay Core kag sang iya mga sumolunod, sang ginpatay sang kalayo ang 250 ka mga lalaki; nanginpaandam sila sa mga tawo.

11 Pero ang mga anak nga lalaki ni Core wala ginpamatay.)

12 Ang tribo ni Simeon: ang mga kabaranggayan nanday Nemuel, Jamin, Jacquin,

13 Zera, kag Saul.

14 Ang kadamuon sini nga mga kabaranggayan 22,200 ka mga lalaki.

15 Ang tribo ni Gad: ang mga kabaranggayan nanday Zefon, Hagi, Suni,

16 Ozni, Eri,

17 Arod, kag Areli.

18 Ang kadamuon sini nga mga kabaranggayan 40,500 ka mga lalaki.

19 Ang tribo ni Juda (Ang duha sang mga anak nga lalaki ni Juda, si Er kag si Onan, napatay sa duta sang Canaan):

20 Ang mga kabaranggayan nanday Sela, Perez, Zera,

21 Hezron, kag Hamul.

22 Ang kadamuon sini nga mga kabaranggayan 76,500 ka mga lalaki.

23 Ang tribo ni Isacar: ang mga kabaranggayan nanday Tola, Puva,

24 Jasub, kag Simron.

25 Ang kadamuon sini nga mga kabaranggayan 64,300 ka mga lalaki.

26 Ang tribo ni Zabulon: ang mga kabaranggayan nanday Sered, Elon, kag Jalel.

27 Ang kadamuon sini nga mga kabaranggayan 60,500 ka mga lalaki.

28 Ang mga tribo ni Jose, nga amay sang duha ka mga anak nga lalaki, si Manases kag si Efraim.

29 Ang tribo ni Manases. Si Maquir anak ni Manases amo ang amay ni Galaad, kag ang masunod nga mga kabaranggayan mga kaliwat ni Galaad:

30 Ang mga kabaranggayan nanday Izer, Helek,

31 Asriel, Siquem,

32 Semida, kag Hefer.

33 Si Zelofehad nga anak nga lalaki ni Hefer, wala sing mga anak nga lalaki, kundi mga babayi lamang; ang ila ngalan amo sanday Mala, Noa, Hogla, Milca, kag Tersa.

34 Ang kadamuon sini nga mga kabaranggayan 52,700 ka mga lalaki.

35 Ang tribo ni Efraim: Ang mga kabaranggayan nanday Sutela, Bequer, kag Tahan.

36 Ang baranggay ni Eran mga kaliwat ni Sutela.

37 Ini tanan nga mga kabaranggayan nga mga kaliwat ni Jose, may kadamuon nga 32,500 ka mga lalaki.

38 Ang tribo ni Benjamin: ang mga kabaranggayan nanday Bela, Asbel, Ahiram,

39 Sufam, kag Hufam.

40 Ang mga kabaranggayan ni Ard kag ni Naaman nga kaliwat ni Bela.

41 Ang kadamuon sini nga mga kabaranggayan 45,600 ka mga lalaki.

42 Ang tribo ni Dan: ang kabaranggayan ni Suham,

43 nga ang kadamuon 64,400 ka mga lalaki.

44 Ang tribo ni Aser: ang mga kabaranggayan nanday Imna, Isvi, kag Beria.

45 Ang mga kabaranggayan ni Heber kag ni Malquiel mga kaliwat ni Beria.

46 Si Aser may anak nga babayi nga si Sera.

47 Ang kadamuon sini nga mga kabaranggayan 53,400 ka mga lalaki.

48 Ang tribo ni Neftali: ang mga kabaranggayan nanday Jazeel, Guni,

49 Jezer, kag Silem.

50 Ang kadamuon sini nga mga kabaranggayan 45,400 ka mga lalaki.

51 Ang bug-os nga kadamuon sang mga Israelinhon nga mga lalaki 601,730.

52 Ang Ginoo nagsiling kay Moises,

53 "Partiha ang duta sa mga tribo, suno sa ila kadamuon.

54-56 Partihon mo ang duta paagi sa pagabutgabot kag hatagi sing daku nga parti ang daku nga tribo kag diutay nga parti ang diutay nga tribo.”

57 Ang tribo ni Levi gintapuan sang mga kabaranggayan nanday Gerson, Coat, kag Merari.

58 Ang mga panimalay sang mga Levita naggikan sa mga kaliwat nanday Libni, Hebron, Mali, Musi, kag Core. Si Coat amo ang amay ni Amram,

59 nga ang iya asawa amo ang anak ni Levi, nga si Jocabed nga natawo sa Egipto. Nagbata sia sa kay Amram sing duha ka anak nga lalaki, si Aaron kag si Moises, kag isa ka anak nga babayi nga si Miriam.

60 Si Aaron may apat ka mga anak nga lalaki nga amo sanday Nadab, Abiu, Eleazar, kag Itamar.

61 Si Nadab kag si Abiu napatay sang paghalad nila sang kalayo nga indi balaan sa Ginoo.

62 Ang kadamuon sang mga lalaki nga Levita nga nagaedad sing isa ka bulan paibabaw 23,000. Ginlista sila sing pain sa mga Israelinhon, kay wala sila ginhatagi sing bisan ano nga pagkabutang sa Israel.

63 Ini tanan nga mga kabaranggayan ginlista ni Moises kag ni Eleazar sang pagkuha nila sang senso sang mga Israelinhon sa mga kapatagan sang Moab sa tabok sang suba sang Jordan halin sa Jerico.

64 Wala sing bisan isa ka lalaki nga nabilin sang mga ginlista ni Moises kag ni Aaron didto sa desierto sang Sinai.

65 Ang Ginoo nagsiling nga yadto sila tanan magakalamatay sa desierto, kag wala gid sing nabilin sa ila, luwas lamang kay Caleb nga anak ni Jefone kag kay Josue nga anak ni Nun.

Numeros 25 | Numeros 27