☆☆☆
1 Amo ini ang mensahi sang GINOO nga ginhatag kay Sofonias sa panahon nga si Josias nga anak ni Amon amo ang hari sang Juda. (Si Sofonias anak ni Cusi, si Cusi anak ni Gedalias, si Gedalias anak ni Amarias, si Amarias anak ni Haring Ezequias.)
3 tanan nga mga tawo kag mga kasapatan, mga pispis kag mga isda. Landason ko ang mga malaut. Laglagon ko ang tanan nga mga tawo, kag wala sing mabilin nga buhi. Ako, ang GINOO naghambal sini.
4 “Dugmokon ko ang mga tawo sang Jerusalem kag sang bug-os nga Juda. Dulaon ko ang nabilin nga pagsimba kay Baal didto, kag wala sing isa nga makadumdom sang mga pari nga pagano nga nagaalagad sa iya.
5 Laglagon ko ang bisan sin-o nga nagasaka sa ibabaw sang atop kag nagsimba sa adlaw, bulan, kag mga bituon. Laglagon ko man ang nagasimba sa akon kag nagsumpa sa pag-unong sa akon, pero nagasumpa sa ngalan sang dios nga si Moloc.
6 Laglagon ko yadtong nagbiya kag wala na nagasunod sa akon, yadtong wala nagapalapit sa akon ukon nagapangayo nga tuytoyan ko sila.”
7 Ang adlaw sang Ginoo malapit na, ang adlaw nga ang Ginoo magahukom; maghipos kamo sa iya atubangan. Ang Ginoo nagaaman sa pagpatay sang iya mga tawo kaangay sang isa ka halad kag nag-agda sa mga kaaway sa pag-ati sa Juda.
8 Ang Ginoo nagasiling, “Sa sadto nga adlaw sang pagpamatay silutan ko ang mga opisyales, ang mga anak sang hari, kag ang tanan nga nagasunod sang pagginawi sang mga dumoluong.
9 Silutan ko ang tanan nga nagasimba kaangay sang nagasimba sa diosdios kag nagapangawat kag nagapamatay agod ila mapuno sang ila mga inagaw ang templo sang ila dios.
10 Ang GINOO nagasiling, “Sa sadto nga adlaw mabatian ang singgit sa Puwerta sang Isda sa Jerusalem. Mabatian ang hinibi sa bag-o nga bahin sang siyudad kag ang daku nga huganas sa mga kabakuloran.
11 Magpanalambiton kag maghibi kamo kon mabatian ninyo ini, kamo nga nagakabuhi sa naubos nga bahin sang siyudad, tungod kay ang tanan nga mga negosyante magakalamatay!
12 “Sa sadto nga tion magadala ako sing suga kag magausisa sang Jerusalem. Silutan ko ang mga tawo nga kontento kag nagasalig sa ila kaugalingon nga nagasiling, ‘Ang Dios indi maghimo sing maayo ukon malain.’
13 Ang ila manggad panguhaon kag ang ila mga balay pagagub-on. Magapatindog sila sing mga balay pero indi nila mapuy-an ukon magatanom sila sing mga ubas pero indi sila makainom sang iya bino.”
14 Ang daku nga adlaw sang GINOO malapit na—malapit na gid kag madasig ang iya pag-abot! Sa sadto nga adlaw bisan ang pinakamaisog nga mga soldado magapanghayhay!
15 Mangin-adlaw yadto sang kaakig, kagamo, kalisod, kalaglagan kag kapiyerdihan, adlaw sang kadulom kag kasubo, maitom kag magal-om nga adlaw,
16 adlaw nga napun-an sang pagpatunog sang trumpeta kag singgit sa inaway sang mga soldado nga nagasalakay sang napamakuran nga mga siyudad kag sang mataas nga mga tore.
17 Ang GINOO nagasiling, “Magapadala ako sing kalalat-an sa mga tawo agod ang tagsatagsa magalakat kaangay sang bulag nga tawo. Nagpakasala sila sa akon, kag karon ang ila dugo pagaiula kaangay sang tubig kag ang ila mga bangkay mabilin nga madunot sa duta.”
18 Sa sadto nga adlaw kon ang Ginoo magapakita sang iya kaakig, bisan ang tanan nila nga pilak kag bulawan indi makaluwas sa ila. Ang bug-os nga duta malaglag paagi sa kalayo sang iya kaakig. Butangan niya sing katapusan—hinali nga pagtapos—sa tagsatagsa nga nagapuyo sa duta.
Ang Adlaw sang Paghukom sang Ginoo
2 Ang GINOO nagsiling, “Laglagon ko ang tanan nga butang sa duta,3 tanan nga mga tawo kag mga kasapatan, mga pispis kag mga isda. Landason ko ang mga malaut. Laglagon ko ang tanan nga mga tawo, kag wala sing mabilin nga buhi. Ako, ang GINOO naghambal sini.
4 “Dugmokon ko ang mga tawo sang Jerusalem kag sang bug-os nga Juda. Dulaon ko ang nabilin nga pagsimba kay Baal didto, kag wala sing isa nga makadumdom sang mga pari nga pagano nga nagaalagad sa iya.
5 Laglagon ko ang bisan sin-o nga nagasaka sa ibabaw sang atop kag nagsimba sa adlaw, bulan, kag mga bituon. Laglagon ko man ang nagasimba sa akon kag nagsumpa sa pag-unong sa akon, pero nagasumpa sa ngalan sang dios nga si Moloc.
6 Laglagon ko yadtong nagbiya kag wala na nagasunod sa akon, yadtong wala nagapalapit sa akon ukon nagapangayo nga tuytoyan ko sila.”
7 Ang adlaw sang Ginoo malapit na, ang adlaw nga ang Ginoo magahukom; maghipos kamo sa iya atubangan. Ang Ginoo nagaaman sa pagpatay sang iya mga tawo kaangay sang isa ka halad kag nag-agda sa mga kaaway sa pag-ati sa Juda.
8 Ang Ginoo nagasiling, “Sa sadto nga adlaw sang pagpamatay silutan ko ang mga opisyales, ang mga anak sang hari, kag ang tanan nga nagasunod sang pagginawi sang mga dumoluong.
9 Silutan ko ang tanan nga nagasimba kaangay sang nagasimba sa diosdios kag nagapangawat kag nagapamatay agod ila mapuno sang ila mga inagaw ang templo sang ila dios.
10 Ang GINOO nagasiling, “Sa sadto nga adlaw mabatian ang singgit sa Puwerta sang Isda sa Jerusalem. Mabatian ang hinibi sa bag-o nga bahin sang siyudad kag ang daku nga huganas sa mga kabakuloran.
11 Magpanalambiton kag maghibi kamo kon mabatian ninyo ini, kamo nga nagakabuhi sa naubos nga bahin sang siyudad, tungod kay ang tanan nga mga negosyante magakalamatay!
12 “Sa sadto nga tion magadala ako sing suga kag magausisa sang Jerusalem. Silutan ko ang mga tawo nga kontento kag nagasalig sa ila kaugalingon nga nagasiling, ‘Ang Dios indi maghimo sing maayo ukon malain.’
13 Ang ila manggad panguhaon kag ang ila mga balay pagagub-on. Magapatindog sila sing mga balay pero indi nila mapuy-an ukon magatanom sila sing mga ubas pero indi sila makainom sang iya bino.”
14 Ang daku nga adlaw sang GINOO malapit na—malapit na gid kag madasig ang iya pag-abot! Sa sadto nga adlaw bisan ang pinakamaisog nga mga soldado magapanghayhay!
15 Mangin-adlaw yadto sang kaakig, kagamo, kalisod, kalaglagan kag kapiyerdihan, adlaw sang kadulom kag kasubo, maitom kag magal-om nga adlaw,
16 adlaw nga napun-an sang pagpatunog sang trumpeta kag singgit sa inaway sang mga soldado nga nagasalakay sang napamakuran nga mga siyudad kag sang mataas nga mga tore.
17 Ang GINOO nagasiling, “Magapadala ako sing kalalat-an sa mga tawo agod ang tagsatagsa magalakat kaangay sang bulag nga tawo. Nagpakasala sila sa akon, kag karon ang ila dugo pagaiula kaangay sang tubig kag ang ila mga bangkay mabilin nga madunot sa duta.”
18 Sa sadto nga adlaw kon ang Ginoo magapakita sang iya kaakig, bisan ang tanan nila nga pilak kag bulawan indi makaluwas sa ila. Ang bug-os nga duta malaglag paagi sa kalayo sang iya kaakig. Butangan niya sing katapusan—hinali nga pagtapos—sa tagsatagsa nga nagapuyo sa duta.
No comments:
Post a Comment