☆☆☆
1 Amo ini ang mga pulong ni Amos nga isa sang mga manugbantay sang mga karnero sa Tekoa. Ang Dios nagpahayag sini nga mga pulong kay Amos duha ka tuig sang wala pa ang linog, sang si Uzias hari sang Juda, kag si Jeroboam, nga anak ni Joas, hari sang Israel.
2 Si Amos nagsiling: “Ang GINOO nagangurob gikan sa Sion, ang iya tingog nagadaguhob gikan sa Jerusalem. Tungod sini ang palahalban nagakalaya, kag ang kalagtom nagapula sa putokputokan sang Bukid sang Carmelo.”
4 Gani padalhan ko sing kalayo ang ginharian sang Siria, kag magasunog ini sang mga pamakod ni Haring Benhadad.
5 Balion ko ang trangka sang puwerta sang siyudad sang Damasco, kag kuhaon ko ang mga pangulo sang Kapatagan sang Aben kag sang Beteden. Ang mga pumoluyo sang Siria pagadalhon subong nga mga bihag sa duta sang Kir.”
7 Gani magapadala ako sing kalayo sa mga pader sang Gasa sa pagsunog sang mga pamakod sang siyudad.
8 Pamatyon ko ang mga pangulo sang mga siyudad sang Asdod kag Ascalon. Magasumpong ako batok sa siyudad sang Ecron, kag ang tanan nga nabilin nga mga Filistinhon magakalamatay.”
10 Gani magapadala ako sing kalayo sa mga pader sang Tiro, sa pagsunog sang mga pamakod sang siyudad.”
12 Gani magapadala ako sing kalayo sa Teman, kag sunogon ang mga pamakod sang Bozra.”
14 Gani tutdan ko ang mga pader sang Raba sa pagsunog sang mga pamakod sang siyudad. May pagsininggit sa adlaw sang inaway, kag ang hinagunos sang inaway manginsubong sang isa ka bagyo.
15 Ang ila hari kag ang iya mga opisyales pagabihagon.”
2 Si Amos nagsiling: “Ang GINOO nagangurob gikan sa Sion, ang iya tingog nagadaguhob gikan sa Jerusalem. Tungod sini ang palahalban nagakalaya, kag ang kalagtom nagapula sa putokputokan sang Bukid sang Carmelo.”
Ang Paghukom sang Dios sa mga Kaingod sang Israel:
Siria
3 Ang GINOO nagasiling, “Ang mga pumoluyo sang Damasco nagpakasala sa liwat kag sa liwat. Sa pagkamatuod silutan ko gid sila, kay tama gid ang ila pagpintas sang mga pumoluyo sang Galaad.4 Gani padalhan ko sing kalayo ang ginharian sang Siria, kag magasunog ini sang mga pamakod ni Haring Benhadad.
5 Balion ko ang trangka sang puwerta sang siyudad sang Damasco, kag kuhaon ko ang mga pangulo sang Kapatagan sang Aben kag sang Beteden. Ang mga pumoluyo sang Siria pagadalhon subong nga mga bihag sa duta sang Kir.”
Filistia
6 Ang GINOO nagasiling, “Ang mga pumoluyo sang Gasa nagpakasala sa liwat kag sa liwat. Sa pagkamatuod silutan ko gid sila, kay gindala nila nga bihag ang bug-os nga pungsod kag gintugyan sila sa taga-Edom.7 Gani magapadala ako sing kalayo sa mga pader sang Gasa sa pagsunog sang mga pamakod sang siyudad.
8 Pamatyon ko ang mga pangulo sang mga siyudad sang Asdod kag Ascalon. Magasumpong ako batok sa siyudad sang Ecron, kag ang tanan nga nabilin nga mga Filistinhon magakalamatay.”
Tiro
9 Ang GINOO nagasiling, “Ang mga pumoluyo sang Tiro nagpakasala sa liwat kag sa liwat. Sa pagkamatuod silutan ko gid sila, kay gindala nila nga mga bihag sa duta sang Edom ang tanan nga mga pumoluyo. Wala nila pagtumana ang kasugtanan sang pag-abyanay nga ila ginhimo.10 Gani magapadala ako sing kalayo sa mga pader sang Tiro, sa pagsunog sang mga pamakod sang siyudad.”
Edom
11 Ang GINOO nagasiling, “Ang mga pumoluyo sang Edom nagpakasala sa liwat kag sa liwat. Sa pagkamatuod silutan ko gid sila, kay ginhingabot nila ang ila mga utod, ang mga Israelinhon, kag wala gid sila magkaluoy. Wala gid magtahaw ang ila kaakig.12 Gani magapadala ako sing kalayo sa Teman, kag sunogon ang mga pamakod sang Bozra.”
Amon
13 Ang GINOO nagasiling, “Ang mga pumoluyo sang Amon nagpakasala sa liwat kag sa liwat. Sa pagkamatuod silutan ko gid sila, kay sa ila kadalok sang duta, ginpangririan nila ang mga tiyan sang nagabusong nga mga babayi sa Galaad.14 Gani tutdan ko ang mga pader sang Raba sa pagsunog sang mga pamakod sang siyudad. May pagsininggit sa adlaw sang inaway, kag ang hinagunos sang inaway manginsubong sang isa ka bagyo.
15 Ang ila hari kag ang iya mga opisyales pagabihagon.”
No comments:
Post a Comment