"Madamo ang Naghandom Magpamati sa Inyo Ginapamatian"

Liturhiya sang Pulong

(Huwebes, Hulyo 26, 2018)

Ang Pagbasa gikan sa Libro ni:

Propeta Sirac 44:1, 10-15

Dason, dayawon naton ang bantog nga mga tawo, ang aton mga katigulangan sa ila palaagisod nga mga kaliwatan. Pero yari ang lista sang maalwan nga mga tawo nga ang ila maayo nga mga binuhatan wala malipatan. Sa ila mga kaliwat may nabilin nga manggad nga palanublion sang ila mga anak. Ang ila mga kaliwat nagatindog sa mga kasugtanan, kag salamat sa ila, amo man ang mga kabataan sang ila mga anak. Ang ila mga kaliwat magapadayon sa walay katapusan, ang ila himaya indi mawala. Ang ila mga bangkay ginlubong nga may kalinong, kag ang ila mga ngalan nagakabuhi sa tanan nga mga kaliwatan. Ang mga tawo magapahayag sang ila kaalam, ang katilingban magaamba sang ila pagdayaw.

Salmo sa Pagsabat:

Mga Salmo 132:11, 13-14, 17-18

Indi mo pagbawion ang imo panumpa kay David, nga nagasiling: “Himuon ko nga hari ang isa sang imo mga anak nga lalaki, kag magahari sia dason sa imo. Ginpili sang GINOO ang Sion, kay luyag sia maghimo sang iya puloy-an didto; “Diri ako magapuyo sa walay katubtoban, diri ako luyag maggahom. Diri himuon ko ang isa sang mga kaliwat ni David nga mangindaku nga hari, diri padayunon ko ang paggahom sang pinili ko nga hari. Pakahuy-an ko ang iya mga kaaway, pero ang iya ginharian magauswag kag magadaku.”

Aleluya:

Mateo 11:25

O Amay, Ginoo sang langit kag duta! Nagapasalamat ako sa imo tungod kay ginpahayag mo sa mga di-maalam, ang ginlipdan mo sa mga maalam kag may mataas nga tinun-an.

Ang Pagbasa sang Santos nga Ebanghelyo suno kay:

San Mateo 13:16-17

“Kamo inyo bulahan gid! Kay ang inyo mga mata makakita kag ang inyo mga dulonggan makabati. Dumdoma ninyo ini! Madamo nga mga propeta kag mga tawo sang Dios ang naghandom sa pagtan-aw sang inyo nakita, pero indi sila makakita, kag luyag magpamati sa inyo ginapamatian pero wala sila iya makabati.” 

Hulyo 25 | Hulyo 27